الحب عبر الانترنت

الحب عبر الانترنت

* هى القصة اللي بدي احكيها هى قصة حقيقية بتمنى تقروها وتعطوني ردكن ونصائحكن ...

انتوا برائكن الحب غلط عبر الانترنت ولا مو وغلط ولا هو مجرد تسيلة ومو حقيقي ولا هو حب حقيقي واخرو زواج؟؟؟

انا برائي مو غلط لانو لما بحب هالشخص وبكون معو صادقة وماعم اكذب عليه ولا هو كمان اكيد رح يكون حقيقي بس لما اكذب عليه وقلو انا هيك وهيك وبفتخر بحالي ادامه وهو كمان يكذب اكيد هيدا مو حب مجرد تسلية

هلئ في ناس كتير بتفوت النت لمجرد التسلية والكذب وفي ناس بتفوت لحتى تشارك وتحكي وتفضفض للانسان يللي بترتحلو ويمكن هالانسان ينصحك ويعلمك .

اكيد كل شخص فينا فات الشات وتعلق بشخص وحبه وهيدا الشي مو غلط لانو الحب هو نقطة ضعف الانسان

بس اني فوت الشات وعلى اساس اني بحب شخص ادام العالم بس انا من جوى فايتة حتى اتسلا وبس

هلئ ممكن يكون في حب من طرف واحد مثلا شب حب البنت بكل صراحة صارحها بس هى عم تكذب او البنت حبته وهو عم يتسلا اكيد هيدا كمان غلط اني خلي الانسان اللي حبني وتعلق فيي اعذبه وتسلا بس

في كمان ناس بتفوت الشات لمجرد تفتح كام دعارة اكيد برأيكم كلكم غلط صح انا عم قول هالشي لانو حسب ما شفت بالشات في حب حقيقي وفي حب تسلية وفي صداقة وفي اخوة وفي مصلحة وفي عالم بتحترم وفي عالم ناقصهم ااحترام وفي عالم بتفوت بس لتفتح كام مو مزبوط وفي عالم بتفتح كام عادي وهالشي مو غلط ولا ممنوع لانو بالشات الك حق تعمل اللي بدك ياه بس ضمن احترام.

وانا بنصح كل شخص قرأ موضوعي يستفيد من كل كلمة ازا كنت عم تحب حب حقيقي لا ترد على العالم اللي بتقلك حبك اخرو تسلية لانو يمكن يكون مر بنفس التجربة بس مو حب حقيقي او يمكن اللي حبها او حبته كانوا عم يتسلو بس ازا كان شعورك وشعور الشخص اللي حبيته نفس الشي لا تضيع هيك فرصة بحياتك .

انا هيدا هو رأي بالحب والصداقة والاخوة عبر الانترنت ازا كان عندكن رأي تاني بتمنى تردو على موضوعي *

هوي في حب من ع النت موجود رغم انو صار قصص وحكاية وناس تزوجة
من عن طريقه بس انا ما بامن فيه
رغم انو حبيت ناس وارتحت لناس

هلا بيك مجنون شكرا على مرورك

هلالالالالالالالا عزو مشكور على مرورك يا غالي

الموضوع كتير حلو وانا بئول في حب من عالنت وبصير في زواج كمان

بس هالشي بوقف ع هوا الشخصين
وع هوا أساس العلاقة إزا صادق بظن النتيجة منيحة

يعطيكي العافية

بسم الله رحمان رحيم اول شي
والله في حياتي ما تعرفت على بنت صادقة من خلال شات بجوز في بنات صادقين اما قلال لانو
از خليت خربت مو كل اصبع ايدك متل بعض بس انا عشت تجربة ومعدت عيدها لانو طلعت المخلوئة مصاحبي بجي 5 ما عدا يلي ما بعرفهون كمان
مشكورة سوسو